Poster卒之起貨~

一口氣做左三款poster,
用左三粒鐘,
send左,
要等approve,
好累~
唉~

掌握

忽然之間覺得有好多野迫埋黎, 等住我去做:
整poster, pre-study, 買禮物, 上網搵資料(公事)...

又有好多事,要等住我去arrange duty去配合:
Extra的事奉, 返學, farewell同事, 舊同學聚舊, 拍拖...

當事情不在自己掌握之中時, 真有點不安.

有時覺得自己太自我, 唔識得將所有交給神.

冇錯! 要真正經歷神同在, 就係要讓神去為你完成一D自覺沒法完成的事. (even係一D十拿九穩的事呢!)

開心vs擔心

開心
好開心! 見到啦見到啦! 靚仔上左鏡呀! 大明星呀! 可唔可以幫我簽個名呀?

呢排返工忙左好多, 前晚返工更連續做左四個半鐘先有得坐下.
同BB妹妹呢個組合真係唔係好得, 但我拍佢又真係幾開心呢!

擔心
對住M姐返工, 好大壓力呀!
佢只係我同level的同事, 但佢有好多野都唔'記得', 所以成日問我. 因其他同事唔會'穌'佢, 我又唔好意思唔理佢, 唯有有問必答. 但我最驚係如佢出左事會賴我law...

一號二號

昨今兩天，俾阿伯一號激死。

阿伯一號唔知係盟塞or有老人痴呆，見人就鬧(of course he was being restrained)。
軟功
阿伯一號：x@#$y%z&*~
芝芝 ：哎唷！究竟邊個激親你姐！﹖
阿伯一號：x@#$y%z&*~(得個大聲，完聽唔到佢講乜。)
芝芝 ：咁燥做乜姐！﹖等我俾杯涼茶過你勒。就五花茶啦~ (笑住講)
(阿伯一號開始笑了。)
芝芝 ：都係唔好，廿四味涼D，你咁燥o岩你多D！
阿伯一號開懷地笑了，並笑住同我講野，唔再鬧人。
芝芝成功地馴服了阿伯一號。

幫阿伯一號打針。佢又講粗口鬧我。
硬功
阿伯一號：x@#$y%z&*~(好大聲，耳都聾。)
芝芝 ：幫緊你咋！駛唔駛咁惡呀！﹖(好委屈)
阿伯一號：x@#$y%z&*~(鬧得仲大聲)
芝芝 ：(開始發惡，機關槍出動。)我都講過你發燒要打針咯我依家都係幫緊你姐幫人都要受氣我唔好出去坐下你唔好再咁大聲同我講野喎容忍係有個限度架(越講越大聲)…(阿伯一號開始有D驚但又要駁咀)…下下都用粗口鬧人你唔好再講野我唔想聽到你把聲。
阿伯一號靜晒。
芝芝再一次成功地馴服了阿伯一號。

昨今兩天，俾阿伯二號煩死。

只要一幫佢整野，佢就會慘叫。 (He is bed bound and disorientated)
今日幫佢洗半粒鐘dressing，佢就叫足全程，簡直令我精神受虐待。我忍唔住要開大個電視機分散一下我的注意力。
阿伯二號，你殺死我啦！

I pray for...

今天很開心跟有左BB的BB妹妹食飯;
又在canteen見到"家姐",
好耐冇見,佢個仔都五歲半了.
大家好興奮,傾左好耐,食飯食遲左:p
好開心聽佢地的人生經驗和意見.
求主叫佢地快d認識神!Amen!

小強牙痛,放工趕去探病,佢只係可以食粥.
比著我都餓暈啦!慘!
好在晚餐佢都食到幾條河粉.
求主藉藥物醫治佢!Amen!

聽DD&MM講,阿婆在老人院洗手間失竊了手錶和手連,
報左警喎.當然差佬搵唔到d乜啦!
但我知阿婆今晚一定會訓唔著...
求主賜她平安的心!Amen!

唔好呀 @_@

牙痛慘過大病!
小強, 祝早日康復!

蘋果日報
深圳證實有人感染H5N1禽流感病毒後，一名較早前返湖南鄉間探親的香港男子，在接觸家禽後出現發燒及傷風感冒病徵，昨傍晚帶病經深圳羅湖返港召救護車，送往北區醫院檢驗...
(我都不敢掉以輕心, 大家全副武裝出動!)
下午報告返, 恭喜晒, 冇事!

如果香港境內證實有一宗禽流感個案, 會實施緊急應變措施(最嚴重的級別), 到時...慘...我會唔會俾人隔離? 會唔會唔俾我返屋企? 會唔會...我唔敢再諗啦...

請為香港冇禽流感代禱!
為香港所有醫務人員代禱!
多謝!

恩典

父親節

父親節, 我地三姊妹今晚會去客瓜好棧同DD食飯.

淇淇的爸爸入了廠, 希望佢早日康復! 淇淇, 加油呀!

為我DD滿有主的樣式而感恩!

願天下間所有的父親都快樂!

傻左~

自問自己係一個理性的人,

點都諗唔到自己都有唔理性的時候.

諗番都覺得好好笑.

今日春天兩條虫, 我唔制呀!!!
但咁樣都幾好ar! :P

感謝主! 在我的生命中, 賜我好多好多恩典~Halleluia!!!

6月10日 心心生日大派對

你看我笑得幾開心~

好o野!我拍手手~
你看我行得幾得戚~

6月10日

心

心

生

日

大

派

對

方太教煮送

每次阿D阿咪返大陸作福音工作, 我知佢地都會好擔心我同小明...而我地為佢地所獻上的代禱又有幾多呢?但我知阿咪為我地獻上的祈禱係多到數唔到架...

今日雖然遲左收工, 但點累都要去一趟街市, 因為唔想阿D阿咪返屋企冇飯食.

煮飯o既同時, 我可以改進一下我的廚藝, 皆因我煮得太難食啦!自上一次母親節整o既芒果布甸, 阿咪大讚好味...點知上星期再整, 唉! 嚴重地失準~ 今晚煲左木瓜花生雞腳湯, 炒'彥'菜, 同清蒸唔知乜野魚...希望唔好整得咁難食啦!

我明明唔係助人型架...

我明明唔係助人型黎架...

幫人幫到自己到'啤'一聲, 又有咩意思呢...

我又曾經為幫人而白白犧牲自己的私人時間, 點知原來又係得個吉...

幫人要衡量自己的能力, 是的, 我知道; 要學say no, 我知道; 父母極力反對我幫人是為我著想, 我都知道, 鬼叫我一早應承左人咩...

有d唔開心添...

2006 FIFA World Cup

世界盃...

哎呀! 德國 4:2 哥斯達黎加

今天6月10日是心心的生日,
夜晚冇得睇 英格蘭 對 巴拉圭 添!

666667

666

這一天，晨早放工回家睡了六個鐘，醒了六次…
約了淇…很開心，因為她變了 --- 個人變得開心左。
她還興致勃勃的買了數樣東西…她變了…變得大洗左添！哈！

我沒買什麼，只是一瓶Mocha。

667

落雨不怕，落雪也不怕，
就算…十號風球也在所不惜。
當我堅持要去做一件事，
我會唔理三七廿一，
點都要完成佢。
因為我在乎。
當陣腳打亂了，
我會發文憎。
硬頸是我不能改的性格。

心心下星期六生日，好開心，買了一件紅當當的衫仔。
紅當當，好意頭呀！

故事由一隻CD開始

今天妙妙送我一隻CD，好開心，正是四維禾乃的佳作。

上班，把它播放…

內中有一位同事也是基督徒，於是彼此談起詩歌這話題。

很想和基督徒同事們有一點兒的交流…
很想和基督徒同事們能彼此支持…
很想和基督徒同事們有一起禱告的機會…

是昨晚團契帶週會的一個小小心願。

晚上八時，和19號床的太太傾了良久…為何我沒把握機會呢 ? 失敗！

尋晚好多謝雲妮，佢真係一個好識關心人，和懂得鼓勵人的姊妹。求主繼續賜福予她並應允她所想所求！Amen！

正學習全然無我的代禱！

感恩的一天

今日好忙呢！

訓左六粒鐘，同倆老食過飯，就返醫院做我的”希望工程”，然後出沙田政府合署辦燒到眼眉的事務。不知是否太眼訓，企o係火車站，懵盛盛，唔知自己應該行去邊。不過後來如夢初醒了。之後去”天鵝水晶”，因為有野要”維修” (不過要等一個月先整好) 。然後再撲出油麻地交功課。好累，個背囊又重，兩條腿軟晒。入大埔了，271…行左邊?行右邊?我上次好似係’左邊’。拖住兩條腿行去’左邊’，去到巴士站…冇o既? 原來271係在’右邊’。不過我同自己講要撐住。感謝主我真係撐得住。

其實唔知點解要搞到自己咁忙???偏係紅雨同冇精神的時間才迫自己出街。
傻o既！

之後上左心心屋企一粒鐘。好開心！佢識得企呀(當然有賓賓扶住)！圖畫冊，叫佢指邊隻係貓咪，佢指對了！Surprise呀！一歲人咋！食飯仔，我地叫”好野”，佢就自動clap her hands。又成日對住我地笑。佢大得好快呀！好感恩呀！

求主叫心心的智慧和身量，並神和人喜愛她的心，都一齊增長。

最開心，就係…哈哈！我走時，佢竟然唔捨得我，喊呀！第一次咋…

之後上郭氏屋企食飯。雖然唔係逗留好耐，但好開心。見一陣好過冇啦！然後返詩班。哈哈！冇精神把聲好易就聽得出。我已盡力了。

明天第一次團契帶週會，好驚呀！

為近來的事祈禱。感恩呀！感覺好平安！我知上帝聽禱告嘛！

功課~拜拜!

早晨啦！望下個鐘，宜家係半夜三點半...
我卒之做晒兩份好傷腦力同眼力的功課！

雖然宜家累+累+累，仲有d頭暈+眼花添！
但唔知點解唔想訓，可能做到痴o左呱！?

Human Resource個份…我諗OK 呱?！

擔心…因為始終覺得Ethics個份d資料唔夠，又分析得差…但我已經唔想再改…再改我個頭會爆爆爆
其實呢份我都預左會肥架啦！算啦！

自己總算盡左力
合格vs唔合格
平常心吧！

阿GK，本書唔還住啦！要重做呀！
係喎，重做好似要俾 $ 呢?！