上帝的兒女何等有福~

今個禮拜, 可算是心情起伏不定, 有令人傷感的事, 也有令人開心的事.

傷感/唔開心的事:
1. 婉明入醫院, 星期一情況轉差, 入埋ICU嘅HDU, 擔心~
2. 同一日, 同學的爸爸病重, 入左我個ward... 眼見同學仔, 站在佢爸爸床邊, 心裡很不好受, 唯有不停做野, 分散自己注意力. 趁家人不在床邊, 靜靜雞同佢祈禱, 佢點頭肯信耶穌...
3. 星期四, 同學的爸爸過身了, 為了他能否上天堂而自責... (冇同佢講全套福音, 祈禱又唔到題...唔知自己祈左d乜)
4. 爹d血壓高, 開始要去睇醫生, 俾我話佢成日食salty野.
5. 多位同事離職, 和Be一起渡過佢的last night, 希望她能抓緊她的幸福.
興奮/開心的事:
1. 嘉嘉大個左好多, 識講好多搞笑野. 我們一家喜氣洋洋.
2. 試晚裝~ 幸好有郭生+小明的意見...
3. 好多人為婉明祈禱, 情況有好轉. 佢病都為我地祈禱.
4. 柳暗花明, 星期五在火車站奇妙地見到同學仔, 得知原來佢爸爸已經信左主並受左洗禮, 所以葬禮會以基督教儀式進行. 希望同學仔藉此信耶穌就好啦~ 祈禱祈禱!5. night更同搞笑joanne分享近況, 好開心, 好搞笑!
6. 睇我同小強的婚紗相, 百看不厭~

婚紗相

有婚紗相睇呀...個花球...嘻嘻!

四月尾... 好期待...

軼事五宗

睡了一覺好的, 心情好多了.

多謝嘉麗&阿微! 妳們給了我很大的支持!

當日"叮"一聲的念頭, 要作我首要任務! Thanks God!

***

今日day-off, 卒之有d時間上網search吓d結婚/裝修等資料.

有想有支神仙棒"叮"一聲就搞掂一切未做嘅野~

***

肚仔肥肥啊! 但懶做sit up...點算?!

好想再上跳舞班, 不過要夾好時間先決定.

***

小強下星期日入院了.

昨晚發夢去聽pre-OT堂,

搞笑~ 竟然去左崇拜般有多個詩班在場,

聽talk啫~ 做乜咁快執定行李?

個姑娘又無端端幫我shave堂眉, 我即閃...

夢境怪怪的, 但見到班病人同小強打成一片, 好開心.

***

一樁騙案:

一大碟新鮮炸好的海鮮卷 (明眼人一睇就知係海鮮卷啦!)

曱甴: 嗱~ 妳成日敏感, 係海鮮就唔準食架!

蜘蛛: 等我試吓係咪先啦! (眼甘甘望住碟野)

...

蜘蛛: 係沙律黎咋~ (好在你唔食沙律醬啫, 哈哈!)

曱甴: 好啦! 咁準妳食啦!

蜘蛛: (傻佬, 你真係易相信人...^~^)

裝修黑店 4大茅招

很多業主或租客都遇上裝修不愉快問題，有的一開工就遇到裝修公司加收額外費用，有的遇上貨不對辦，有的爛尾收場，有的鬧上法庭。要避免這一肚子氣，業主在裝修前、中、後期都要做一下功夫。　　裝修前的工作較有趣味性，但很多人都集中在逛街看傢俬，四處格價，找設計公司提供設計意見，但最終忽略了最重要的元素-「合約內容」。睇清內容 免招損失　　就本公司過往的統計來看，最常見的合約陷阱如下︰

(1) 付款期︰　　部分合約內的付款方法都以日期或開工後某天作為付款期，這可能是一個陷阱，因為工程可能未達到完工百分比，業主仍要按期支付款項，如有爭執，工程爛尾，裝修公司可能沒有損失，反而獲利更多。

(2) 後加工作︰　　香港大部分裝修承建商提供免費估價服務，不良的承建商會造一份簡單而便宜的報價單，以博取業主的工程。開工後裝修公司便指出很多工作都不包括在內，或游說業主加造或更改某些工序，繼而提出價錢高昂的後加工程，這時業主處境非常被動，半迫半就地被人「掠水」了。

(3) 臨時改變用料︰　　這一招對付急於入伙的業主十分有效，裝修公司玩這一招也十分純熟，他們往往與業主傾談時「出口術」，口頭承諾某某牌子、某某用料，而合約中卻沒有清楚指明其用料。施工時則用盡手段，有的說香港沒有此貨，要改變用料、有的要求業主補加運費、有的自行改料等等。當業主指出問題時，承建反口說沒有承諾，更反指業主無理要求。

(4) 工程期︰　　過去幾年驗過爛尾小型裝修，部分工程沒有清楚指定施工的期限，判頭或工人將裝修單位視作失業的避難所，外邊沒有工開時，就到單位做一下，外邊「好景」時就到外邊「搏殺」。結果業主要花費更多金錢換人，訂金也白白蝕去了。　　有些古惑的裝修公司更設下陷阱給業主，故意留一些難題要業主作決定，當完工日遲了，則指出是業主的決定阻遲了他們，甚至向業主追討損失。　　

知己知彼，百戰百勝，我們了解到承建商的「茅招」時，要化解就不難，最重要是合約上要白紙黑字，寫清細節，承建商見對手精明，行事也小心了，奸商想從中獲利也相對難了。

燥火

脾氣暴躁, 返工又發了好多人脾氣添~
真係sorry, 搞到dementia阿婆不斷用粗口鬧我...佢習慣左一鬧就停唔到口...

應承左同阿mm去旅行, 但有d忐忑不安, 因為心掛掛在香港的人.
唔知點解唔敢同mm講不如遲d有機會先去, 總之就係唔敢講...

呢排不斷有同事想resign, 唉~ 唔知我會唔會又有呢一日呢?
要面對唔似上司的上司; 越來越差的working system, 同埋唔知自己的career應develop在邊方面...
個個都話去私家做, 我知我都係會一諗就係三五七年, 諗掂時, 人地已經唔請人...