Happy Birthday to me lei!

Everybody, 好耐冇update啦! 我都唔想架, 因為前陣子要為兩個婚禮張羅, 好忙, 唔忙時個mouse又壞左...其實宜家佢都係壞左, 我係好辛苦用keyboard tab下tab下至入到呢一個page咋... 有好多野想講, 有好多相想post, 有好多感恩事想同大家分享... 特別在今日, 我的生日, 好想多謝我的各方好友的SMS & 電話祝福, 傳道人姐姐又話要請我食飯, daddy & mum的利事, 妹和妹夫三朝回門的喜悅, 家姐姐夫昨晚的生日飯, Karrie & 雅雯陪我過生日, 仲有, 果蓉橙, 多謝你, 真係好多謝你, 你真係好體貼, 我唔係讚你, 不過你真係好抵讚...哈哈哈!
今年的生日願望, 我希望可以靈命日新, 同埋可以..., &..., &..., &..., &..., &..., &..., &..., &...
多謝大家:)

@.@ T I R E D

今日靈修 - 主的管教

希伯來書十二1-3
1我們既有這許多的見證人，如同雲彩圍著我們，就當放下各樣的重擔，脫去容易纏累我們的罪，存心忍耐，奔那擺在我們前頭的路程，
2仰望為我們信心創始成終的耶穌（或作：仰望那將真道創始成終的耶穌）。他因那擺在前面的喜樂，就輕看羞辱，忍受了十字架的苦難，便坐在神寶座的右邊。
3那忍受罪人這樣頂撞的，你們要思想，免得疲倦灰心。

The night in the Sleep Lab.

昨晚看夜真係好累，累得要命，又冇得訓，因為不是在自己地頭嘛…
累 ~ 是因為冇野做，只是從旁觀察…
累 ~ 是因為齋聽，冇得落手做…
累 ~ 是因為好悶，但又唔可以表現得好悶的樣子…
宜家都好累，但又訓唔著，個腦停不了，怎麼算?

但畢竟學多了有關CSA，OSA，PLM，REM，EEG，的知識吧！(眼都花@_@)真的很appreciate陳姑娘的悉心教導。



更檯放著一瓶紙花，是一位醫生較早前摺的。哈哈，我一如以往，好想學識摺，還差點想把它拆開研究一番。


雖然無聊左d，但當曾摺過一朵極之複雜的薔薇後，就想發掘更多新奇的玩意，亦想向高難度挑戰。(請問大家有冇呢朵花的摺法?有就俾我ar！謝！)

中秋節

卒之有時間update我的日記了…

中秋節正日
做左依份工咁耐，中秋節可以唔駛返P的機會是微乎其微…今年可以返A，簡直是天大恩賜。雖然冇得同小強入camp，不過我靜雞雞派左史力奇做代表…呵呵呵！夜晚同兩老在掛滿紙燈籠的天台，賞月+食月餅+玩螢光棒，難得難得！可惜太夜，冇得見心心了。

中秋節翌日
早上完成了功課，Yeah！中午同阿婆食生日+中秋飯，好野！阿婆生日我地有利事逗，人人有份！佢順便俾生日利事我…阿婆好有記性，記得我幾時生日。之後姐夫載我出太和，詩班活動…搞笑！
層層疊…笑死我…珊珊真係好好，次次都要整跌佢至安樂。我同Cyu妹妹講，層層疊最好玩的，就是當榻下時一齊大叫…嚇到佢唔敢玩，不過我覺得佢o力過珊珊呢！哈哈哈！
有口難言…地方名…最激氣就係…哈哈…阿Steven哥哥只是指一指大倫，就俾大倫估中係油麻地…原來是我用手寫時，俾佢見到我點三點(三點水)，加上大倫住油麻地…(>_<)。
呢日，我發覺自己有d癲癲地，可能因為功課做晒一身輕呱?！好野！有大合照，我最鍾意一齊影大合照。BB仔，我真係好鍾意見到你笑架！呢日仲俾我地發現有人同Losau係同名同姓添！
之後同FanFan一齊返周六+食飯，送我返團契。好鍾意呢個傻妹，呵呵呵！
完左團契仲有節目，上心心屋企玩。手拿益力多+媽咪面，佢就會估估惑惑走埋黎，正一為食貓。

中秋節翌翌日
訓到十一點半{唔駛為做功課而早起身了}。但為左print功課而冇食飯，只飲了兩碗湯就去返工。忙忙忙！冇時間tea，仲要食第二輪(7pm)，餓+凍+虛脫…哈哈…唔知有冇hypogly呢?

中秋節翌翌翌日
交完功課後，FanFan陪我出CWB揀衫。卒之買左自己鍾意的。(要細妹批准先敢俾$)。閃灰+白兔毛，一個字，(青見)呀！原本黑色那件我覺得仲正，一票對三票，灰就灰啦！多謝FanFan咁有耐性陪我左揀右揀，又請我食dinner，Yeah！

中秋節翌翌翌翌日
倒數仲有三日在<地獄>，點解喉嚨痛成咁都唔發燒架??? 今日卒之撞見Winnie啦！又喜見兩老順個便來探我班！好開心！！！

感恩事項：
1. 順利做完功課
2. 主給我適時的提醒
3. 樹仁人玩得好開心
4. 同兩老一齊做節，幾經艱辛買到螢光棒，同老爹踢足球
5. 可以同詩班朋友仔一齊玩
6. 返團契有親切感
7. FanFan大個女左
8. 週末有假放

for your reference

師傅過招

提供了拍拖相處可反思的地方
我閱後總結...唔話你知 :p

G.E.

今日第一次睇staff clinic for G.E. > SL x 2/7.
原來G.E.係must去AED/staff clinic睇, 好在仲有一張181旁身咋~

唔公平

自星期六摺ward之後, 今日第一日賣落樓下>>>唔公平, 有乜可能要我做最癲o個格?! 雖然我以前做過o者, 但我覺得有d過份囉~ 我從未在三樓做過, 個setting唔識分左右, d野放邊又唔知, d野又亂, d case好耐冇接觸過, 真係有d思覺失調+雞手鴨腳... 多謝大家真係咁信得我過, 將如此重任交俾我... (我唔會就咁算數...)總之就係忙啦, 不過鬼叫老友做ic, 我費事要搞煩佢咋.

不過講開又講, 佢地咁樣做野, 我真係睇唔過眼, 阿j姐night完d水永世都唔落, 以前係咁, 依家依舊係咁; 阿邊個邊個俾左又唔簽名, 好在個pt醒目; d牌板又唔user friendly, 又周處放, 搞到濕晒都冇人理; 我在樓上從來唔會擔心d HCA, 依家睇少眼都唔得... 我知每個ward的situation都唔同唔可以相比較, 但我覺得佢地可以改善的空間仲有好多好多...可能我讀緊management, 平日諗埋諗埋就係呢d囉~ 至搞笑o既係...tissue and paper cup冇再order because of 財赤, 唔係呀馬...

老細吩咐我去到人家地頭要醒醒定定, 唔好行差踏錯, 講真我去到邊都會打醒十二分精神的...反而點解佢地做野咁亂, 佢地老細可以不聞不問呢...越諗越激氣...

公假: 小強趕工; 我趕工做功課. 忙忙忙!!!
努~力~~呀~~~

7days left...

欺善怕惡...可惡 >_<

手機到期, 想轉回我名下, 叫我姐夫幫我打去客戶服務部問, 點知差d俾佢按錯制, 變左電話報失... 咁就會cut左我個手機number, 咁就全世界都找不著我了... 好在佢未按confirm...

不過話時話, 數碼通d service真係好差, 今朝打去問, 佢地明恰人 (尤其我呢d唔識鬧返人的私文女仔 :p ), 又話一定要俾charge, 又話cut左之後number一定唔用得返, 之後竟然俾人'吸'埋我線 >_< 喂! 我雖然唔係正式客戶, 但你d態度駛唔駛咁差呀...剛才要一個有威勢的男人, 我姐夫出馬先至話乜都得, 又唔收我charge喎! 呢啖氣...我忍...份功課已經煩死, 仲要我煩呢d鎖碎野...好在有人幫我出頭咋!

過大禮

好鍾意見到我的一班傻的詩班朋友仔, 因為一見到佢地就會好開心, 覺得自己後生d. 尤其星期五晚見到Fanny, 佢成日笑, 搞到我都差d忍唔住笑, 總之就好開心啦... 今日崇拜獻詩係Mozart的一首讚美詩, 輕快的旋率令人感到輕鬆. 讚美神的, 是應該笑住唱嘛, 感謝主我心情麻麻+好眼訓但都笑得出. 可惜的是今天芬姨草入左camp, 冇一齊獻詩呢!

至搞笑的是張老師話我今日個樣好精神喎! 嘩!訓得四粒鐘咋, 唔好玩啦, 我知你日行一善o者...

昨晚小明的Leo和他parents & grandma來過大禮, 好開心同佢地傾左一陣, 我作為二家姐, 幾忙幾唔願郁, 都得出廳熱情款待呢! 最開心同Leo婆傾計, 佢講d野好搞笑, 話找到個合適的對象就好嫁, 只要佢鍾意你, 你可以唔駛鍾意佢, 嘩! 古時女性的思想! 搞到我唔知點答佢... 不過全屋都係人, 唯有肥仔Leo了解我多一點呢! 好開心一家人聚埋的時候, 好溫馨架! 咁就乜愁都唔記得囉!

將過大禮的東西鋪地影相, 好笑呢...點知原來阿媽一早將d嫁女餅鋪地影相...笑死我啦!

對於小明, 我好放心將佢交俾Leo.(雖然我唔係阿爸阿媽都係咁講啦)因為...只是一個信字...信佢可以照顧到我呢個唔識照顧自己的妹; 信佢可以忍到我呢個會扭計的妹; 信佢可以看得住我呢個咁大頭蝦的妹; 信佢可以頂到我呢個咁長氣的妹... 我發覺自己的心態越來越似my parents, 越來越唔捨得傻的小明...我開始驚我當日會忍唔住...

仍然冇心情做功課... 自昨晚開始, 胃又有點不妥了.