Level Clear!
最新的死線在九月廿一日, 今次無論如何, 一定要比心機, 這是最後的機會, 芝芝可真不要再偷懶, 不可再多多藉口...其實好擔心, 真係好擔心...希望儘早做完, 死線前唔會發癲啦...唔想再浪費時間...
七月三福...唔通又要再下一期? 究竟係邊個o既意思? 唉~ 近排見到許多同事們家中都有事, 究竟係咪神想我做d野? 但無動力, 點算? 心中有千千萬萬的藉口...help!
越來越介意別人對自己的睇法. 有骨的說話, 我知佢仍然唔想同我和好, 點解要搞成咁? 我真受不了這種關係, 但仍得接受. 盼望日後有轉機.
芝芝發覺比以前膽小了. 前幾日, 一位兇神惡殺,大聲夾惡的男人說要探病, 氣沖沖的衝向我們 (相差唔夠兩尺,都咪話唔驚), 芝芝保持一貫扮鎮定, 做調停的角色, 最後為佢安排一切... 其實最憎d人以為大聲就可以大晒, 最憎d人欺負女人, 最憎d人唔重視人家定的制度, 最憎d人眼裡永遠只得佢自己. 芝芝事後氣憤之餘, 亦好驚, 唔知點解會咁驚. 莫非自己外表堅強, 內裡脆弱? 我得重新評估自己...
遲d雙親又去做福音使者, 芝芝又要獨力睇住頭家, 預左壓力又會黎... 屬靈的爭戰無處不在!
堅強d! 多禱告! 佢地需要我禱告的支持!
煩惱多左, 但我要依然笑口常開, 天跌落黎當被蓋~~~
收到K.E.精心泡制的仙台手信, 好鍾意呀!
之前想買的買不到, 等待下一次的機會吧! 我知神會為我們安排啦~
係時候收心養性做功課了!
posted by 芝芝 @ 7:12 下午
1 comments
